Inside dis video eight Naija women wen escape ashawo work for Italy explain how den cari dem comot from naija. All of dem been dey hard situation, some escape domestic violence, poverty and all dos kind tins. Na persin wen den meet for street promise dem beta job for abroad.

Inside dis video, six Naija women wen don escape ashawo work for Italy explain how dem take swear oath for Naija say dem no go run away from di job way dem go give dem for Europe, and promise say dem go pay back di money wey dem take transport dem reach europe. Since wey dem promise dem beta work for Europe, for their mind dem no see any problem with di oath.

Inside dis video, seven naija women wen don escape ashawo work for Italy discuss di role wen madams get for all dis human trafficking of a tin. Di madams dey go afta women for Naija dey promise dem beta job for Europe, dem go even folo dem enta di joni thru desert to Libya and then put dem for inside boat go Italy where dem go either sell dem give brothels or put dem inside ashawo work.

Inside dis video, seven naija women wen escape ashawo work for Italy explain di horror why dem meet when dem reach Europe. Before dem comot for naija dem tell dem say dem go get decent job as cleaner, or as sales girls for shop, or even as house geh. But di madam wen cari dem reach Europe force dem enta ashawo work. Anytime wen dem refuse dem beat dem and threaten dem say den go die becuz before dem comot for Naija, dem been don take oath say dem no go run from any job wen dem give dem for Europe.

Inside dis video seven Naija women wen escape ashawo work for Italy explain di horror of di joni from Naija tru Niger and Libya. Dem abuse dem, rape dem, den even sell dem give men for inside brothel.

Inide dis video, nine Naija women talk about deir experience afta dem don traffic dem from Naija go Europe go do ashawo. Dem describe how di experience affet dem mentally. Now, den don run from di pipo wen dey torment dem, but den still dey suffer from depression, bad memory and bad dream.

Rita been dey live for street for naija and she dey survive as a beggar for on a daily. One day nai one friendly woman approach am cari an go house. She tell Rita say she get supermarke for Europe and ask if Rita go like travel go work for dere. Rita belle sweet.

“Dat place na dere we dey sleep but we dey go dey hustle for street. In di night, in di morning, in di afternoon, we dey road. Many many girls wen don die for road work for Italy wen be say den don kill”. Nora travu go Europe becos for her mind she been think say she go find work wen go allow her to support her family for Naija, but she end up as ashawo for street. Watch her story!

"E still cari me go another place where dem collet my pant, den con collect hair for my armpit, even for my private part. Dem say if I run comot dem go use di hair do something wen be say I go fit dey mad". Dem promise Janet job for South Africa but she end up inside ashawo work for Europe. Watch her story!

“She say weda me no know say na dis prostitution work nai me wan con do for Europe. Nai I say me I no go fit do dis ashawo work". Dem promise Florence beta work for Europe but las las na ashawo work dem cari her go do. Na so so lie nai madams dey lie give women all in the name of beta work for Europe, beware!

“Den con say make I swear say if i cari di woman moni run, say I reach dere I con dey see work or say di woman go come put me for work, say make dis tin kill me". When Judith reach Italy she find out say di job wen dey arrange for her na ashawo work. Madams dey try to trick young women with juju. Spread di message!