Wetin con dey happen to me for di Libya, I see am say e worse pass di one for Nigeria. But di one way me I con meet for dat Libya, e be like say na death. In short, death is better dan dat one way I con stay for Libya.
Den told me to go and go to connection house, I say I no wan go connection house. Dem dey beat me.
As I dey go, I have di opportunity to run but I no get where I dey go. When I dey go na dere I see one car park for road wen full of boy. From dere dem take me enta di car drive me go one bush. For dat bush den rape me again and den leave me.
Di joni tru di desert na nightmare. Den no get enough food and wota, sotey pipu die for road. But dis kind joni, once person begin, to go back no dey allowed.
Many people die for desert. No food to eat, no baffling, not in notin
I been wan go back, really... I wan go back. But I no fit go back because I don already start di journey
One tin about di road, if you don enta, to go back dey hard. Nai I con dey reason am say God if na di time to kpeme be this mai just kpeme because no turning back.
Afta den survive di horror joni tru Libya, di women still face anoda challenge for untop sea to Italy. The traffickers overload deir boat sotey di risk to die inside di wota come dey very high.
Dat blowblow boat, we pass 160 for inside o. Dem park everybody very very tight. No space sef before rescue con see us for wota.
So as I con dey go, breeze con dey, di weather no con good dat day. So even some of dem even die inside di blowblow, na only two of us nai safe, til we con reach Italy .