Abandoned in Libya, kidnapped by gangsters
They are selling their girlfriends
Risking your life in Libya
Gloria lose her business for Naija and her creditors begin to harass her. One friend tell her about di joni to Europe as a way to make moni, and so dem enta di Libya road. Di joni through di desert harsh wella, dem suffer from heat taya, plus hunger and thirst. Wen dem reach Libya nai dem con find out say na lie dem take trakke dem enta road, because di truth come be say na sell dem cari dem con sell. Since dat day Gloria no see her friend again.
Fight happun for Mary village and dem kill her family, but she manage to escape. She later meet one woman wey offer to take her go Europe to work as housemaid. She promise her say she go also go school for dere. Mary agree and dey begin di waka. When dem reach desert, soldiers begin shoot their car and di tin overturn sotey e injure many passengers. Dem even begin to dey hide upandan with very little food and wota. Pipo come become desparate asper hunger and no wota. Nobi until 10 days later anoda car come cari dem comot for dere.
For Precious and Osagie, life for Naija begin to dey somehow when herdsmen begin to dey cari deir cattle go chop Osagie crop for farm. The community begin enta fight with di herdsmen but tension con dey, so di community no dey safe for dem again. Osagie decide say hin go travu go Libya with one friend wen promise to sponsor hin waka. Precious later decide to join, so she meet someone wey promise her house geh work for Libya. The desert joni no easy, na for dere regret begin dey enta their mata.
Favor been dey prepare for her wedding for village when problem happun and she need to escape for her life. Her brother kill her stepmother and di family of the stepmother say dem go collet revenge for Favor body. Favor see no oda option dan top escape. Someone been don yarn her before say work dey Libya so folo enta road. But di waka no be here!
Shola been no happy with her life for Naija. She been wan study to get job but when she finish secondary school, her family don expet say di next tin na to marry, born pikin and become housewife. So she decide to go Europe for beta life options, One woman promise to take her dere and she folo go with a group of girls. Dem been don promise dem say di joni go dey short and easy but already di crossing of di hot desert to Libya be like nightmare.
Inside dis video eight Naija women wen escape ashawo work for Italy explain how den cari dem comot from naija. All of dem been dey hard situation, some escape domestic violence, poverty and all dos kind tins. Na persin wen den meet for street promise dem beta job for abroad.
Inside dis video, six Naija women wen don escape ashawo work for Italy explain how dem take swear oath for Naija say dem no go run away from di job way dem go give dem for Europe, and promise say dem go pay back di money wey dem take transport dem reach europe. Since wey dem promise dem beta work for Europe, for their mind dem no see any problem with di oath.
Inside dis video, seven naija women wen don escape ashawo work for Italy discuss di role wen madams get for all dis human trafficking of a tin. Di madams dey go afta women for Naija dey promise dem beta job for Europe, dem go even folo dem enta di joni thru desert to Libya and then put dem for inside boat go Italy where dem go either sell dem give brothels or put dem inside ashawo work.