– “I con say okay, say opportunity dey for me to help my poor mother and my two sisters. So di woman con connet me with pipo wen dey comot"Nora come from poor family for Naija, and she dey always worry about how she go take sustain herself. One day she jam one woman wen tell her say she go fit arrange work for her for abroad.
Nora think say dis na opportunity to take support her family so she sharply agree.
Before Nora comot for Naija, dem tell her say she go need to go take oath to make sure say trust go dey between she and di woman. Afta den comot dey go for road pass Niger and Libya, di woman behaviour change patapata. She b begin show her true color and begin to treat Nora and di pipo wen follow travel anyhow.
“Beating, raping... I have some mark on my body dat I pass through. We be three wey she sell. She con sell us give dis woman for Tripoli. Person wen den con even sell me give na very wicked human being”
Afta 9 month as ashawo for brothel, den cari nora put for inside boat go italy. She dey expect say okay she go finally get di job wen dem promise her but when den cari her comot for reception centre, na ashawo work den send her go street do.
“Dat place na dere we dey sleep but we dey go dey hustle for street in di night, in di morning, in di afternoon, we dey road. Many many girls wen don die for road work for Italy wen be say den don kill”
One day nora mange run comot for di madam trap and escape go germany. Still di madam still dey after her. As in, di madam dey call Nora mama for Naija dey threaten her.