Florence’s Story: Fled rape but fed lies of a better life abroad

Florence grow up for one village for Nigeria. Her papa na abusive man. The man first rape her when she been 15 years and she been no know how she go take escape di situation until 2008 when she meet one woman wen con tell her say she go help her enta Europe. She promise Florence say she go arrange di whole waka for her.

Afta Florence go thru difucult joni for Libya and untop sea, di boat wen she enta sink after den rescue di last persin. She cari di contact di woman wen promise her job and she travu go Rome go meet her afta she folo her tok. When she reach dere den welcome her and tell her say make she relax. After some days den tell her say make she go do her hair and change her cloth so that she go ready for di job. Den tell her say make she wear mini skirt and blouse with small jacket.

Afta dat, police arrest Florence because say she no get paper and den deport am go naija sharply. Wen florence reach naija she try to start anoda life for dere, and she try to find work as hairdresser. But as she still dey live for her mama and papa house, her papa con begin to sleep with her again sotey she con carry belle foram. She con born di pikin but she no fit tell her mama say na her papa nai be the father of di pikin. When di pikin reach 1 years she decide say she go go Europe again but she leave di pikin for her mama. Florence cross desert reach Libya and she begin work for one restaurant until she gather moni reach to pay to cross go Italy. Now she dey live for Italy and she dey wait for di decision unto di aduro wen she apply for.