Sudan

"ኩሉ ግዜ ሕጋዊ መስርሕ ምኽትታል፡ኣብ ህይወት ሓጋዚ ኢዩ።ብዙሓት ኣሕዋት ካብ ጥልያን ዝሃደሙን ካብ ባቡር ዝኾብለሉን ኣለዉ።ጀርመን በጺሖም እኳ እንተለዉ፡ክሳብ ለይቲ ሎሚ ግን ሕጋዊ መንበሪ ፍቓድ የብሎምን።ኣብ ማእከላት መቀበሊ ስደተኛታት ክሳብ ሕጂ ቀንፈዘው ክብሉን ንሽግራት ክቃልዑን ይርአዩ ኣለዉ።ስለ’ዚ ኣነ እቲ ዓሰርተ ኣዋርሕ ጥራሕ ዝወሰደ ሕጋዊ መስርሕ ናይ ጥልያን፡ብዙሕ ከምዝሓገዘኒ ክሕብር እደሊ።” ብተወሳዅን ቡዙሓት ሓተቲ ዑቅባ ኣብ ክንዲ ምጽባይ ካብ ሃገር ናብ ሃገር እዳኸዱ ግዜ ከምዝጥፍኡን ይዛረብ።

ጓል 15 ዓመት ራህዋ፡ ነቲ ዘይስሩዕ ጕዕዞ ብ2015’ያ ተበጊሳትሉ። ነቲ ጕዕዞ ናይ ምውሳድ ውሳኔ ብዘይ ኣፍልጦ ወለዳ ምስ መሓዙታ ኰይና’ያ ፈጺማቶ።

ኣዳል ንጉሰ፡ ነቲ ዘይስሩዕ ጕዕዞኡ ናብ ኤውሮጳ ብ2002’ዩ ጀሚሩዎ። ጕዕዞኡ ካብታ ኣብ ምብራቓዊ ክፋል ሱዳን እትርከብ ከሰላ እትበሃ ንእሽቶ ከተማ ብምጅማር፡ ናብ ኻርቱም ቀጺሉ። እቲ እዋን’ቲ፡ እቲ ዘይስሩዕ ጕዕዞ ብመገዲ ሊብያ ህቡብነት ከጥሪ ዝጀመረሉ ግዜ’ዩ ነይሩ።

ኤርትራዊ ስደተኛ ዮናስ፣ሓደ መዓልቲ ዓዲ እንግሊዝ ክሰግር ተስፋ ኣለዎ።ከምብዙሓት ካብ ኤርትራ ናብ ሱዳን ብምኻድ፣ ኣብ መዓስከር ስደተኛታት ንኣርባዕተ ዓመታት ተቐሚጡ።ብሰንኪ ኣጸጋሚ ህይወትን ቀጻሊ ውሕስነታት ምስኣን፣ ናብቲ ንቖልዑን ዓበይቲን ሕሰም ከጋንፎም ከሎ ፣ ብዓይኑ ዝረኣዮ ኣዚዩ ሓደገኛ፣ ዝኾነ ጉዕዞ ናብ ኤውሮፖ ክብገስ እዩ ወሲኑ።

መርሃዊት ካብ ኤርትራ ዶብ ኢትዮጵያ ሰጊራ እያ ኣብቲ UNHCR ናይ መዓስከር ስደተኛታት እተመዝገበት። ከምቶም ካልኦት ናብ ኤውሮጳ ኪብጽሑ ዚደልዩ ድሕሪ ሰሙን ናብ ሱዳን ተበጊሳ።

ኣብራሃም ከም ካልኦት ስደተኛታት፡ ንኤርትራ ኪገድፋ ኸሎ ብዛዕባ እቲ ኪፍጽሞ ዝነበሮ መገሻ ድሩት ፍልጠት ጥራይ እዩ ነይሩዎ። ናብ ካርቱም ኢሉ ኢዩ ተበጊሱ። ካርቱም ነቶም ካብ ቀርኒ ኣፍሪቃ ተበጊሶም ብማእከላይ ባሕሪ ገይሮም ንኤውሮጳ ኪሰግሩ ዚደልዩ ቀንዲ መነሃርያ እያ። ዕላማ ኣብራሃም ከኣ ከም ካልኦት ብጾቱ ኣብዛ ኸተማ ሰሪሑ ንመገሻኡ ዚኸውን ገንዘብ ንምእካብ እዩ።

ባይሎን ኣብ ዕስራታት ዝርከብ መንእሰይ ኮይኑ፡ ኣብ ሱዳን ካብ ስደተኛትት ስድራ ቤት እዩ ተወሊዱ፡፡ ኣብ ሱዳን እናሃለወ ምስቶም ኣኽበርቲ ጸጥታ ተገራጭዩ፡፡ በዚ ምኽንያት ጌሮም ናብ ኤርትራ ክንሰጐካ ኢና ኢሎም ኣፈራርህዎ፡፡  ካብ ማእሰርቲ ኣምሊጡ ኣብ ውሽጢ ክልተ መዓልታት ናብቲ ሓደገኛ ጉዕዞ ሊብያ ኣምሪሑ፡፡

ዓንደማርያም ኣብ ዕድመ ኣርብዓታት ዝርከብ ኤርትራዊ ስደተኛ እዩ፡፡ ክትሪኦ ግና ካብኡ ኣጸቢቑ ዝዓቢ ይመስል፡፡ ሰብነቱ ድኹም እዩ፡ ክሰርሕ እንከሎ ድማ መሓውሩ የንቀጥቅጥ፡፡ ጥዕና የብሉን፡፡ ኣብ ኣውሮጳ ካብ ዝኣቱ ዓመቱ ኮይኑ”ሎ፡ ግና ጥዕና ይብሉን፡፡ ኣውሮጳ ክኣቱ ዝኾነ መደብ ኣይነበሮን፡ ፈጺሙ ኣብ ውጥኑ ኣብ ዘይነበረ ጉዕዞ እዩ ኣትዩ፡፡ እዚ ቃለ-መጠይቕ ኣብ ዝገበርናሉ ግዜ ዓንደማርያም ተቐማጢ ሙኒክ ጀርመን እዩ ኔሩ፡፡

ራሄል ኣብ 2012 እያ ካብ ኤርትራ ወጺኣ፡፡ ንኣርባዕተ ዓመታት ኣብ ሱዳን ናይ ጉልበት ስራሕ እናሰርሐት ነቲ ጉዕዞ ዝኾና ገንዘብ ኣዋህለለት፡፡ ኣብ 2014 ነፍሰጾር ኮይና ሓደ ወዲ ዓመት እናኣለየት ካብ ኢድ ናብ ኣፍ ክትናበር ድሕሪ ምጽናሕ ዕድለይ ኢላ ነቲ ጉዕዞ ሰሃራን መዲተራንያንን ክትፍትኖ ወሰነት፡፡