ካብታ ንፈለማ ግዜ ኮምፒዩአር ዝተጠቕመላ እዋን’ዩ፡ ኣብ ህይወቱ ክበጽሖ ዝደሊ እንታይ ምኻኑ ፈሊጡ።እንተኾነ ግን ናሆም ኣብ ኤርትራ ብምንባሩ እዚ ምርጫ እዚ ተነፍጎ። ኣብ ክንድኡ ድማ ግዱድ ሃገራዊ ኣገልግሎት ንኽፍጽም መምህር ክኸውን ተገደደ።
“ኣብ ምምህርና ምስ መደቡኒ፡ ኩሉ ሕልምታተይ ስልለ ዝተዓጽወ ከቢድ /እዩ ነይሩ።፥ ይብል ንሱ።
ኣብ 2018 ዝተበጽሀ ውዕል ሰላም ኢትዮ ኤርትራ፡ ነቲ ተዓጽዩ ዝነበረ ዶባት ክልቲኤን ሃገራት ምሰርሓዎ፡ ናሆም ነቲ ዕድል ተጠቒሙ ድሕሪ ምህዳም ድማ፡ ኣብ ኢትዮጵያ ትምህርቱ ክቕጽል ከም ዝኽእል እምነት ኣሕደረ።
“ዓውዲ ኮምፒዩተር ኩሉ ግዜ ኣብ ምምዕባል እዩ ዝርከብ። ሓንሳብ ስለ ዝተመሃርካዮ፡ ኣብኡ ደው ይብል ማለት ኣይኮነን።” ኣብ’ታ ደቃ`ሲት ሃገሩ ካብዝነበሮ ዝለዓለ ዕድል ተጠቓምነት ኢንተርነትን ሓዲሽ ቴክኖሎጂን ክረክብ ክኢሉ እዩ። እንተኾነ ስደተኛ ኬንካን፡ መሰረታዊ ናይ ወረቓቕቲ ሕጽረት ሃልዩካን ቀሊል ኣይነበረን።
“ብዙሕ መሰናኽላት እዩ ዘሎ፡” ይብል ናሆም።
“እቲ ኣዝዩ ኣገዳሲ ክትገብሮ ዘለካ ነገር ትምህርቲ እዩ፡’” ኣብል ሓያል እምነቱ ድማ ተስፋ ናብ ምቑራጽ ገጹ ኣምረእሆ።
“ትምህርቲ ፍልጠትካ የስፍሕን ዓቕምኻ የዕብን። ኣተሓሳስባኻ ብትምህርቲ ጥራይ ኣይኮነን ዝዓቢ። ግና ጠመተኻ የስፍሕን ዕድላት ይኸፍትን።”
ናሆም ኣብ ኢትዮጵያ ፍልጠቱ ንከዕቢ፡ ብውልቁ እናሰርሐን ገለ ገለ ናይ ኦንላይን ኮርሳት እናወሰደን ንነብሱ ጸመዳ። ሓደ መዓልቲ ካብ ሓደ ዓርኩ ብዛዕባ ናይ ስኮላርስሺፕ ውጥን፡ (UNICORE) ሓበሬታ ምስ ረኸበ ግና ናብኡ ገጹ ሰጎመ። ዩኒቨርስቲ ኮሪደር ን ስደተኛታት UNICORE፡ ብ 32 ዩኒቨርሲታት ዓዲ ጥልያን ዝወሃብ፡ ብደገፍ ላዕለዋይ ተጸዋኦ ስደታኛታት (UNHCR )፡ ትካል ስደተኛታት ውዱብ ሕቡራት ሃገራትን መንግስቲ ጥልያንን ዝወሃብ ንስደተኛታት ኣብ ኤውሮጳ ከይዶም ንክመሃሩ ዘኽእል መደብ እዩ።
ኣብ ኤርትራ ብዘይካ ናይ ስሩኦ ትምህርቲ ብቕዓት ፓስፖርት እካ` ዘይነበሮ ናሆም፡ ኣብ ዚ ውጥን እዚ ኣመልኪቱ ዕድል ምስ ረኸበ ፍጹም ተገረመ። “ነታ መዓልቲ እቲኣ ኣይርሰዓን እየ። “ ይብል። “ናይUNICORE ስኮላርሺፕ ከም እተዓወትኩ ዝገልጽ ኢመይል ምስ መጻኒ፡ ብጣኦሚ ተሓጊሰ። ንህይወተይ ዝቕይር ዓቢ ኦድል ከም እተኸፍተ ተገንዚበ።”
ኣብዚ እዋን ኣዚ ናሆም፡ ኣብ ዩኒቨርሲቲ ካግሊያሪ ዩኒቨር - ሳርዲንያ ምህንድስና ኮምፒዩተር፡ ሳይበር ሰኪሪትይ ከምኡ’ውን ኣርቲፊሻል ኢንተሊጀንስ የጽንዕ ኣሎ። እዛ ዩኒቨርሲትይ እዚኣ፡ ኣብ ማእከላይ ባሕሪ ምዕራብ ካብ ቀንዲ መሬት ኣብ እትርከብ ዓባይ ኢጣልያዊት ደሴት ትርከብ። “ሕጂ ኣብ ጥልያን ምህላወይ፡ ሕልምታተይ ንኽጭብጥ ቀረባ እዪ።እንተኾነ ብዙሕ ስራሕ ይተርፈኒ ገና ኣይበጻሕኩን፡”’ ይብል።
ናብ ጥልያን ብውሑስን ሕጋውን መንገዲ ዝበጽሐ ናሆም፡ ዘይከምቶም ብዘስሩዕ ዝተጋዕዙ፡ ናይ ትምህርቲ ክፍሊትን ካልእ ወጻኢታትን በቲ ውጥን እናተሸፈነሉ ብዘይጸገም ክነብር ይኽእል ማለትእዩ።
ተስፋ ናይ ናሆም፡ ትምህርቱ ወዲኡ ልክዕ ከምቶም ካልኦት ኣብ ደገ ዝነብሩ ብዙሓት ኤርትራውያን፡ ኣብ ዓዲ ንዘለዉ ማሕበረሰቡ ኣበርክቶ ክገብር እዩ። “ዕላማይ ምስ በጻሕኩ ተራይ ክጻወት ክኻነይ ያኣምን።|” ይብል ናሆም። “ካልኦት’ውን በብዓውዶም ምስ ዝመሃሩሓቢርና ኣብ ሃገርና ዓቢ ለውጢ ከነምጽእ ንኽእል ኢና።”
ናሆም ናፍቖት ስድራኡ ኣለዎ። እንተኾነ ዕላማኡ ንኽበጽሕ ዝኸፍሎ መስዋእቲ ብምካኑን ስድርኡን ፈተውቱን ብዝህብዎ ደገፍ ክብደቱ ይቀለሉ። “ስድራቤትካን ፈተኻን ኣባኻ እምነት ክህልዎም እንከሎን ኣብ ጎንኻ ክኾኑ እንከለዉን ፡ ሕልምታትካ ንኽትጭብጥ ዝቐለለ እዩ ድማ ይብል።
