Kooxdan dhalinyarada ah ayaa loo sheegay in la geyn doono meel ka wanaagsan, waxaana loo sii mariyay badda dalka Yemen oo ah dal aysan aqoon badan u laheyn balse ay rajeynayaan in ay dib u bilaabaan. "Waxaan u maleynayay in Yemen ay tahay meel wanaagsan, meel aan ka heli karo xasillooni, meel wanaagsan oo lagu noolaado," ayay tiri. Ma ahayn inay noqoto.
Si aad u naxdo, Yemen waxay si dhow ula mid noqotay Soomaaliya, oo ay ka jirto dagaallo sokeeye iyo amni darro, dambiyo iyo sharci la'aan, faqri, dhaqaale burburay, iyo dhibaatooyin bani'aadanimo. Aamina waxay u timid sidii ay u heli lahayd dagaalyahano xidhan duubab sarong ah oo ku hubaysan qoryaha darandooriga u dhaca, sida Soomaaliya. "Waan naxay markaan arkay taas," ayay tiri. “Waxa aan gartay in meesha aan imid ay la mid tahay tii aan ka tagay. Midkoodna ma xasilin.”
Waxa ay haysatay wakhti yar oo ay ku qabsato xaqiiqada xaaladeeda ka hor inta aan kooxdeeda la gelin aqal yar oo alwaax ah oo la xidho, oo ay haystaan dableyda. Mudo 15 maalmood ah ayaa gaajo loo gaysanayay, la laayay, laguna garaacayay. Gabdhaha qaarkood ayay Aamina sheegtay in la kufsaday.
Soomaaliya dhexdeeda, "kalinimada, cid i caawisa ma jirin, qoys la'aan, waxay ahayd dhibaato," ayay tiri, "laakin waxay u muuqataa inaan ka tagay oo kaliya inaan la kulmo dhibaatooyin ka sii daran."
Ugu dambeyntiina dadkii Yemeniyiinta ahaa ee afduubka u heystay ayaa ku soo raray dooni u qaaday Suudaan halkaas oo lagu wareejiyay koox kale oo tahriibin ah. Halkaa marka ay marayso, awood la'aan iyo cabsi, "Waxaan lumiyay rajada nolosha gabi ahaanba," ayay tiri.
Aamina iyo saaxiibadeed waxa ay noqdeen badeeco, waxa loola dhaqmaa sidii lo’ oo kale, waxa ay ku go’doonsan yihiin dhul shisheeye oo ay dadka kaliya ee ay arkaan ay yihiin kuwa gacanta ku haya. "Waxay la mid ahayd Yemen oo kale: waxaa jiray dad na ilaalinayay, waa nala xiray," ayay tiri, iyadoo raacisay, "Dadkani waxay uga ganacsadaan bini'aadamka sida xayawaanka."
Maalintii afraad ayaa waxaa lagu soo raray gaari xamuul ah, waxaana loo kaxeeyay cidlada. Muddo 15 maalmood ah ayaa la siin waayey wax cunto ah oo ay cabbaan biyo wasakh ah oo batroolku wasakhaysan yahay. Qaar ka mid ah asxaabteeda safarka ah ma aysan noolaan. "haraad iyo gaajo ayaa na dilayay si tartiib ah," ayay tiri Aamina. "Ku alla kii jidka ku dhintay, maydkooda ayaa lagu tuuray isla meeshaas, intii kalena way dhaqaaqeen."
Aakhirkiina waxa loo sheegay inay gaadheen Liibiya, halkaas oo ay Aamina kaga sii dartay. "Dhibaatada, dhibka, garaaca, kufsiga, aad bay uga sii darnaayeen markan," ayay tiri.
Maxaabiistii waa la garaacay oo la jirdilay—Aamina waxay xasuusataa in qaar la deldelay oo koronto lagu qabtay—iyaga oo isku dayaya in ay lacag ka soo saaraan qaraabadooda oo argagaxsan oo maqlay qaylada khadka taleefanka. Aamina wax qaraabo ah ma lahayn, qofna tahriibiyeyaashu way wici karaan, ma jirin cid lacagta u diri karta si ay xorriyaddeeda ugu iibsadaan, laakiin weli, ayay Aamina tidhi, si xun baa loo garaacay, "ilaa aan ku dhawaaday inaan dhinto", waxayna sitaa nabarradii ilaa maantadan la joogo. Sidoo kale waa la kufsaday, waxaana la kulmay xadgudubyo kale oo ku saleysan jinsiga.
Ugu dambeyntiina, 15-bilood oo dhibaato ah oo aad u xun ka dib, waxaa meesha ka baxay tacaddigii loo geystey, waxaana mar kale Aamina lagu qaaday dooni, iyadoo markan ay mareyso xeebaha Liibiya. Meesha ay u socoto way garan wayday balse rajo ayay ku dhegtay. "Waxaan naftayda u sheegi jiray inaan ugu dambeyntii aadi doono meel ka wanaagsan oo aan heli doono nolol wanaagsan oo leh mustaqbal ifaya," ayay tiri.
Markabka ayaa soo baxay habeenimo balse saacado yar ka dib waxaa istaagay matoorka, waxaana doonta ay bilowday in ay biyo qaadato. Argagax ayaa qaar ka mid ah rakaabka ay ku dhaceen badda oo dib looma arag. Markii ay biyaha ka soo damiinteen doontii degtay, Aamina waxa ay moodday in dhammaan ay lumeen, markii ay soo baxeen ilaalada xeebaha Tunisia [TM6] oo soo badbaadiyeen. Markii ay saaran tahay markabka dowladda Tunisia, ugu dambeyntii Aamina waxay bilowday inay dareento ammaan.
Nolosha qaxoontinimo ee Tunisia ayaa weli ah mid adag, laakiin waxay heshay "xasillooni iyo badbaado" taasoo u oggolaanaysa inay fursad u hesho inay ka fikirto mustaqbalka oo ay ka fikirto wixii la soo dhaafay. Aamina waxa ay rajaynaysaa in ay waxbarasho hesho oo ay nolol wanaagsan u dhisto nafteeda, laakiin waxa ay leedahay digniin dadka kale, oo ay ka soo qaadatay waayo-aragnimadeeda qadhaadh ee shakhsi ahaaneed.
“Waxaan u sheegi lahaa walaalahay inaysan qaadin jidkan cabsida leh. Waxaa ka buuxa dhibaatooyin, garaacis, kufsi, jirdil, iyo darxumo,” ayay tiri. "Kaliya qof soo maray ayaa ogaan kara sida ay u xun tahay."
