“ኣውሮጳ ክንበጽሕ ብምኽኣልና ፡ድሕሪት ተመሊስና።ኣብ ልዕሌና ኣብኡ ዘጋጠመ ነገር ክንርስዖ ኣይግብኣናን።ኣሕዋትናን ኣሓትናን ክንርስዖም ‘ውን የብልናን።ምክንያቱ ህይወት ኣብ ሊብያ ከመይ ከምዝኰነ ንፈልጦ ኢና።ኣብ’ዚ ሕጂ እዋን ከመይ ከምዝነብሩ ዘለዉ’ውን ንፈልጦ ኢና።መዓልታዊ ህይወቶም ከመይ ከምዝመስል’ውን ርዱእ እዩ። ” ይብል ኪዳነ።
ቀጺሉ” ኣሕዋትናን ኣሓትናን ብሓንሳብ ኣብ ጽቡቑን ሕማቕን ዝነበርና ፡ክሳብ ሕጂ ኣብ ሊብያ ኣለዉ።መንገዲ ረኺቦም ፡ካብኡ ወዮም ክርእይ ክጽልይ እየ’” ብምባል ይውስኽ።
ስለሰቲኦም ዝሰማምዕሉ ሓቂ እንተሎ፡ማሙቕ ገዛኻ ገዲፍካ፡ኣብ ካልእ ሃገር ንምንባር ዝካየድ ጉዕዞ ቀሊል ኣይኰነን።ሱዳን ንቅሩብ ግዜ ዝተቀመጡላ ሃገር ንምንባር ኣዝዩ ከቢድ ነይሩ።ስራሕ የልቦን፡ተራ ምንባር ክተንብር ዝክኣለ ኣይነበረን።ስለ’ዚ ድማ ናብ ኣውሮጳ ክከዱ ወሲኖም።ስእልታትን መልእኽትታትን ኣብ ኣውሮጳ ካብ ዝበጽሑ ሰባት ርእዮም።ብዛዕባ ጽቡቕ መነባብርኦም ከድንቁ ሰሚዖም።ዘይሕጋውያን ደላሎ ብምዝርራብ ድማ ናብ ሊብያ ኣምሪሖም።ንሕድሕዶም ኣብ ዝተፈላለያ ጉጅለታት ፋህ ኢሎም፡ነቲ ዘጣዕስ ሕልሚ ክጉዓዝዎ ጀመሩ።
“ጉዕዞ ሱዳን ሊብያ ካብ መጠን ንላዕሊ ከቢድን ብድሆታት ዝመልኦን ኰይኑ፡ክትሓስቦ ከለኻ ዝፍጸም’ውን ኣይመስልን።ኣሕዋትና ይወድቁን ብጽምኢ ማይ ይሞቱን።ኣብ ዝመትዎ ድማ ገዲፍካዮም ጉዕዞ ትቅጽል።ምቅባሮ’ውን ዝሕሰብ ኣይኰነን።ብዙሓት ኣሕዋትናን ኣሓትናን ደርቢናዮም ኢና።ሳህራ ከቢድ እዩ።” ኪዳነ ይዝክር።
ናብ ቀጽሪ(መዝርዓ )ናይት’ቲ ዘይሕጋዊ ደላላ ምስ በጽሑ፡ክሳብ ገንዘብ ካብ ስድራቤቶም ዝሕወለሎም ኣብ’ቲ ዝተዳለወ መጽንሒ ይጸንሑ።ኪዳነ ንሓደ ዓመት ዝኣክል እሱር ናይቶም ዘይሕጋውያን ኣስገርቲ ደቂሰባት እዩ ነይሩ።ብርሃነ ድማ ንክልተ ዓመታት።ብጭካነ ናተሃረሙን ብሕማቕ ይተሓዙ ነይሮም።
“ኣብ ሊብያ ምስ በጻሕኩ፡1600 ዶላር ኣመሪካ ክኸፍል ሓቢሮሙኒ።”ክንድኡ ዝኣክል ክኸፍል ኣይክኣልኩን።ሓዊ ዘለዎ ፕላስቲክ ናብ ዝባና ብምንጥብጣብ ኣሳቅዮምና። ብጎማታት ኣቢሎም ይቅጥቅጡና።እዚ ኩሉ ክንከፍል እዩ።” ይብል ኣብርሃም።
ድሕሪ ካብ ቀጽሪ(መዝርዓ) ናይቶም ዘይሕጋውያን ኣስገርቲ ደቂ-ሰባት ምውጽኦም፡ሰለስቲኦም ባሕሪ ብሓባር ክሰግሩ ወሰኑ።ኣብ ሓንቲ ኣረጊት ካብ ዕንጸይቲ ዝተሰርሐት ጃልባ፡ላሑዂ ዝነበራ ጉዕዝኦም ኣብ ባሕሪ ነበረ።ሰለስተ መዓልቲ ኣብ ባሕሪ ጸንሑ።ዝብላዕ መግቢ፡ዝስተ ማይ የሎን።ገለ ካብ መጉዓዝቶም ሞይቶም።ሎሚ እቶም ካብ’ቲ መዓት ዘምለጡ ሰለስተ ኣዕሩኽ ሰባት በዚ ሓደገኛ መንገዲ ከይጉዓዙ ፡ብዕቱቡ ይመክሩ።”ይኣክል ይኣክል !” ብምባል ዘይሕጋዊ ስደት ብመንገዲ ሊብያ ደው ክብል ይጽውዑ።
“ይኣክል ክንብል ንደሊ።ይኣክል መንገዲ ሊብያ፡ብኣና የብቅዕ።” ብርሃነ ይብል።
ክብሎ ዝደሊ እንተሎ፡ንዓና እንታይ ከምዘጋጠመናን ብከመይ መንገዲ ኣብዚ በጺሕናን ይፈልጦ እየ።ኩሉልኹም በዚ ዝሓለፈኩም’ውን ብዛዕብኡ ትፈልጡ ኢኹም።ስለ’ዚ ኣሕዋተይ፡ኣብ መወዳእታ ክብሎ ዝደሊ እንተሎ፡በጃኹም ኣብ ልዕሌና ዘጋጠመ ኩሉ ሕማቅ፡ኣባና የብቅዕ።” ብምባል መልእኽቱ ይዛዝም ኪዳነ።
