Malta

Isaga oo 13 sano jir ah ayay Al-shabaab isku dayeen in ay qasab askari uga dhigaan Fahad. Waxa uu u baxsaday Ethiopia isaga oo aan u sheegin qoyskiisa maadaama uu ka cabsi qabay in iyaga lagu qasbo in ay sheegaan halka uu ku suganyahay.

Hassan waa ka warhayay dhibaatooyinka la xiriira tahriibka balse waxa uu go’aansaday in uu nasiibkiisa tijaabiyo. Qoyskiisu kuma taageerin go’aankiisa tahriibka, waxay isku dayeen in ay kaga digaan balse go’aan ayuu gaaray. Waxaa madaxa ku hayay natiijada iyo nolosha sare ee uu heli doono.

Xalima oo ku dhalatay magaalada Muqdisho waxay heshiis la soo gashay kooxaha dadka u tahriibiya yurub. In kasto oo ay Xalima ku guulaysatay in timaado yurub, haddana waxay 7-dii sano ee u dambeeyey ku dhamaysatay in ay hadba wadan magan gelyo waydiisato. Nasiib darro Xaliima uma suurta gelin in ay hesho magan gelyo.