ንተምሃራይ ስደተኛ ሕልሚ:ጋህዲ ክኸውን ከሎ!!

መወዳእታ ዘይብሉ ግዱድ ዕስክርና ጸሊኡ ካብ ሃገሩ ኤርትራ ኵአጽእ እንከሎ፡ ዮናስ፡ ትምህርቱ ክቕጽልን ሓደ መዓልቲ ኣብ ኤውሮጳ ክመሃርን ይሓስብ ነበረ። ኣብ ኢትዮጵያ ዝነብር ስደተኛ ኬንካ ግና፡ እዚ ሕልሚ ኣዚ ፍጹም ዘይከኣል መሰለ። ብላዕለዋይ ተጸዋዒ ስደተኛታት ውዱብ ሕቡራት ሃገራት፡ ትካል ስደተኛታት ውዱብ ሕቡራት ሃገራት (UNHCR)፡ ዝተደገፈ ውጥን ዕድል ትምህርቲ- ስኮላርሺፕ ግና ነዚ ዘይከእል ዝመስል ሕልሚ ናብ ኵዉን ቀየሮ።

UNICORE ፡ 32 ዩኒቨርሲታት ዓዲ ጥልያን ዝህበኦ ብ መንግስቲ ዓዲ ጥልያንን ላዕለዋይ ተጸዋዒ ስደተኛታት ውዱብ ሕቡራት ሃገራት (UNHCR)ን ዝድገፍ መደብ እዩ። እዚ ማለት ዮናስ ኣብዚ እዋን’ዚ ኣብ ደቡባዊ ጥልያን እናነበረ ኣብ ዩኒቨርሲትይ ባሪ ኣልዶ ሞሮ ብ ኮምፒዩተር ሳይንስ ናይ ማስተርስ መዓርግ ትምህርቱ ይቕጽል ኣሎ።

ዮናስ ምስ ስድራኡ፡ ነዚ ናይ ትምህርቲ ዕድል ከም ዝተዓወተ ዝተበሰረላ ሓጎስ ዝመልኣ መዓልቲ ፍጹም ኣይርሰዓን እዩ። ድኻም ዝመልኣ ካልእ ድኻም ዝመልኣ ናይ ስራሕ መዓልቲ ኣብ ምውደኣ እዩ። “ደኺሞም ዋላ እንተነበረኡ፡ ዕድል ትምህርቲ ከም ዝረኸብኩ ምስ ነገርኩዎም፡ ብስሓቕን ንብዓትን ካብ ኮፍ ዝበልዎ ዘሊሎም።” ይብል።

ድሕሪ ሓጺር እዋን ካብ ኢትዮጵያ ናብ ጥልያን ምብጋስ ኮነ። ዮናስ ኣብ ነፋሪት ተሰቒሉ እናሃለወ ንነብሱ ‘ሓቂ ድዩ?’ ክብል ሓተታ።

ሎሚ ነቲ ሕልሚ ይነብሮ ኣሎ። በይኑ ኣውን ኣይኮነን። ኣብ ሰሜን ኢትዮጵያ ዩኒቨርሲቲ ዓዲ ግራት ምስኡ ዝመሃሩ ዝነበረ ክልተ ኣእዕሩኽቱ፡ ተስፋይን ገዛኢን፡ ናብ ዩኒቨርሲቲ ባሪ ኣልዶ ማሮ ዕድል ትምህርቲ ረኺቦም እዮም። እዚ ውጥን እዚ ብዙሕ ዕድላት ዝቕርብ እካ እንተኾነ፡ ኩሉ ዘመልከተ ግን ኣይኮነን ዝዕወት።

“ብዙሓት ነዚ ዕድል’ዚ ዘይረኸቡ ብዙሓት ምሁራት ኣለዉ።” ይብል ዮናስ። ብዙሕ ነገራት ክቕይሩ ዝኽእሉ በላሕቲ ሰባት እዮም። እንተኾነ ብዝኾነ ምኽንያት ዕድል ትምህርቲ ስለ ዘይረኸቡ፡ ትምህርቶም ክእጽሉ ኣይከኣሉን።

ካልኦት ሃገራት ነዚ ናይ ጥልያን ኣብነት ተኸቲለን፡ ስደተኛታት ተመሃሮ ትምህርቶም ዝቕጽሉሉ ዕድላት ክፈጥራ የተባብዕ።

“ጥልያን ህይወት ብዙሓት ስደተኛታት ክትቅይር ካብ ከኣለት፡ ካላኦት ሃገራት ኤውሮጳ፡ ኣመሪካን ካልኦት ክስዕባ ይኽእላዶ? ህይወት ብዙሓት ምተቐየረ።” ድማ ይብል።

ንገለ ሰባት ከምዚ ዝኣመሰለ ሕጋዊ መንገድታት ዘይምህላዉ ካልእ ሓደገኛን ዘይሕጋውን መንገዲ ምስ ኣሳገርቲን ደላሎን ንክመርጹ ይገብሮም።

“ኣብ ዩኒቨርሲትይ ዓዲ ግራት ምሳይ ዝመሃሩ ዝነበሩ ኣለዉ።ውሑዳት ካብኣቶም ኣብ መንጎ ትምህርቶም ንሊብያ ከይዶም።” ይብል።

“ገሊኦም ናብ ኤውሮጳ ኣትዮም። ብዙሓት ካብኣቶም ኣብ ሊብያ ተሳቕዮም። ገሊኦም ናብ ኤውሮጳ ምእታው ዝነበሮም ተስፋ ማህሚኑ ናብ ኢትዮጵያ ተመሊሶም። ብዙሓት ድማ ኣብ ምድረበዳን ባሕርን ጠፊኦም።”

ዮናስ ንምንታይ ነቲ ምርጫ እቲ ከም ዝወሰዱ ይርደኦ እዩ። “መብዛሕትኦም ብሊብያ ዝኸዱ ስደተኛታት፡ ኣብቲ ስርዓት ተስፋ ምስ ቆረጹ፡ ዕላማኦም ንኽበጽሑ ሓደገኛ ውሳነ ዝወሰዱ እዮም።” ይብል። እንተኾነ ንሱ ነቲ ዘይሕጋዊ መንገዲ ከም ኣማራጸኢ ኣይወሰዶን። “ብሊብያ ክኸይድ ሓሲበ ኣይፈልጥን። ብኣስገርትን ደላሎን ጉዕዞይ ክቕጽል ከይሓሰብኩ ትምህርተይ ወዲኤ።”