‘ናይ ተስፋ ማዕጾ ተኸፊቱ’

ተስፋለም ንሸውዓት ዓመታት ህይወቱ ደው ዝበሎ ኮይኑዩ ተሰሚዕዎ። መወዳእታ ዘይብሉ ግዱድ ዕስክርና ንምህዳም ተስፋለም ካብ ኤርትራ ክሃድም ተገዲዱ።ኣብ ጎረቤት ሃገት ኢትዮጵያ ከኣ ዑቅባ ረኸበ፤ግና ከም ስደተኛ ናይ ትምህርቲ ዕድሉ ጸቢብዩ ኔሩ።

ኤርትራዊ ብጾቱ ከም ስደተኛታት ዝነበሮም ዕድል ከቢድ ለዝነበረ ገሊኦምውን ዑቅባ ክረኽቡ ይሽገሩ ስለዝነበሩ ብዘይሕጋዊ መገዲ ብሊብያ ኣቢሎም ናብ ኣውሮጳ ሓደገኛ ጕዕዞ ኽገብሩ ኸለዉ ተዓዘበ።

ተስፋለም ዝያዳ ኣጋጣሚታት ንምርካብ ተስፋ ስለ ዝቘረጸ ምስ ነጋዶ ምጕዓዝ ማለት ጭውያ ህስያ ዓመጽ ማእሰርቲ ከምኡውን ኣብ ምድረ-በዳ ወይ ኣብ ባሕሪ ሞት ዘለዎ ሓደጋ ይፈልጥ ብምንባሩ ኣብ ሓደጋ ኸይኣቱ ወሰነ። "መብዛሕትኦም ሰባት ብሰሃራ ኣቢሎም ናብ ኣውሮጳ ምኻድ እንኮ ኣማራጺኦም ከም ዝዀነ ገይሮም ኢዮም ዝሓስቡ እንተዀነ ግን በዚ መገዲ ክሓልፍ ፈጺመ ኣይደልይን እዬ " ይብል።

ኣብክንድኡ ተስፋለም ንትምሕርቲ ንኽቅጽል (scholarship) ኣመልኪቱ። እዚ መደብውን ብ32 ኢጣልያዊ ዩኒቨርሲቲታት እተተባብዑን ብመንግስቲ ኢጣልያን ብUNHCR ዝተደገፈን እዩ። ኣብዚ እዋን እዚ ኣብቲ ኣብ ምብራቓዊ ገማግም ኣድርያቲክ (Adriatic ኢጣልያ ዝርከብ ዩኒቨርሲቲ ቺቲ-ፐስካራ ናይ ቍጠባን ጠባይን ስነ-ፍልጠት ናይ ክልተ ዓመት ማስተር ዲግሪ የጽንዕ ኣሎ።

"ዩኒኮሪ ፍልይ ዘብሎ ናብ ኣውሮጳ ንምብጻሕ ድሕንነት ዘለዎ መገዲ ስለ ዘዳሉ ኢዩ" ይብል ። ኣስዕብ ኣቢሉውን ኣብቲ ብናጻ ዝረኸብክዎ ዓወት ድሕሪ እቲ ኣብ ኤርትርያ ዘሕለፍዎ ጭቈናን ኣብ ኢትዮጵያ ዘጋጠመ ጸገማትን "ሓድሽ ህይወት ከም ምጅማር" ምዃኑ ገለጸ።

"ካልኣይ ደረጃ ቤት ትምህርቲ ምስ ወዳእኩ ከም ኵሎም ኤርትራውያን ናብ ሳዋ ኸድኩዕ" ይብል ብዛዕባ እቲ ኣስገዳዲን መወዳእታ ዘይብሉ ሃገራዊ ኣገልግሎት ክገልጽ ከሎ።

ብድሕሪኡ ግና ተስፋኣለም ከምቶም ኣሻሓት ኤርትራዊያን ሃገሮም ገዲፎም ዝወጹ ሃደ ካብኣቶም ኮይኑ።ትምህርቱ ክቕጽል ብምኽኣሉ ዕድለኛ ኢዩ ነይሩ ። "ስደተኛ ዀይነ ኣብ ኢትዮጵያ ዝረኸብክዎ ዝበለጸ ኣጋጣሚ ትምህርቲ ኢዩ ነይሩ" በለ። "ስለዚ ነቲ ዕድል ተጠቂመሉ" ይብል ብትወሳኺ።

ተስፋለም ኣብቲ ኣብ ሰሜናዊ ዞባ ትግራይ: ኢትዮጵያ ዝርከብ ዩኒቨርሲቲ ኣዲግራት ክመሃር ከሎ ኣብታ ሃገር ንዝርከቡ ተማሃሮ ኤርትራት ማሕበር ኣብ ምቛም ሓገዝ ኣበርኪቱዩ።ዕላማ ናይቲ ማሕበርውን ስደተኛታት ብዘይ ሕጋዊ መገዲ ምኻድን ከቃርጹን ሕጋዊ መገድታት ከናድዩን፤ ብዛዕባ ዘለዎ ሓደጋ ንምሕባር እዩ ነይሩ። "ቀንዲ ዕላማና ህዝባዊ ኣገልግሎት ኢዩ ነይሩ" ይብል። ዕብዙሓት ሰባት ብሰሃራ ኣቢሎም ብስሩዕ ናብ ኤውሮጳ ይጐዓዙ ነበሩ።"

እቲ ማሕበር ቀሊል እኳ እንተ ዘይነበረ ኪሕብሮምን ኬእምኖምን ጽዒሩዩ ። "ገለ ኻብቶም መንእሰያት እቲ መገዲ ኽሳዕ ክንደይ ሓደገኛ ምዃኑ ኽትነግሮም ከለኻ ይሰምዑኻ ኢዮም እቶም መንእሰያት ግን ክሳዕ ሕጂ በቲ መገዲ ምኻድ ደው ኣየበሉን።"

ተስፋለም ጽንዓቱ ጻዕሩ ከምኡውን ምስቶም ብዘይሕጋዊ መገዲ ናብ ኣውሮጳ ዝኸዱ ሰባት ብዘይምኻዱ፤ ብናጻ ናይ ዩኒኮሪ ትምህርቲ ምስ ኣመልከተን ምስ ተዓወተን ዓስቢ ረኺቡ። እዚ ማለት ከኣ ብደሓንን ብሕጋውን መገዲ ናብ ኢጣልያ ክኸይድ ከኣለ ። እዚ ማለት ከኣ ናብ ዓዲ ጥልያን ብወሕሱን ሕጋዊ መገዲዩ ተጋዒዙ።