"ዕክሳዕ ሕጂ ዝምነዮ ዝነበረ ሕልሚ እዩ። ብኸሙኡ እዬ ኸኣ ዘጽንዕ ዘለኹዕ"ትብል
ልዋም ብ2019 ካብ ውትድርና መታን ክትሃድም ካብ ኤርትራ ኽትወጽእ ተገደደት። መጽናዕታ ንምቕጻል ናብታ ጐረቤት ሃገር ዝዀነት ኢትዮጵያ ኣምለጠት። ኣብቲ ግዜ እቲ ኣብቲ ዩኒቨርሲቲ ኮሪደር ስደተኛታት (ዩኒኮር UNICORE) ተባሂሉ ዝጽዋዕ ብመንግስቲ እተደገፈ ናይ ኢጣልያ ፕሮግራም ክካፈል ድማ ኣመልከተት። እዚ ኸኣ ንስደተኛታት ኣብ ሓንቲ ኻብተን 32 ኢጣልያውያን ዩኒቨርሲቲታት ኣብ ኣውሮጳ ብሕጋዊ መገዲ ንኺመያየጡ ኣጋጣሚ ይኸፍተሎም ።
እቲ ፕሮግራም ናይ ውድ ድ ር መንፈስ ኣለዎ ሉዋም ከኣ ኣብቲ ዝመረጸቶ ዩኒቨርሲቲ ብዘይምርካባ ጐሃየት። እንተዀነ ግን ተስፋ ኣይቈረጸትን ባዕላ ናብ ሓደ ትካል ኣመልከተት፣ኣብቲ ግዜ እቲ ናይ ዞባዊ ትምህርቲ ትምህርቲ ረኸበት ዕዉትውን ኰነት ። ንUNHCR ነቲ ምንጪ ጕዕዞ ዚገልጽ ሰነዳት ብምሕጋዝ ኣመልከታኣ ደጊፋቶ እያ ።
ልዋም ኣብቲ ኣብ ህይወታ ዘሕለፈቶ ቓልሲ ከምኡውን ስደተኛ ብምዃና ዘሕለፈቶ ጸበባ ተመርኲሳ ቈራጽነታን ተንጸባርቅ ። ልዕሊ ዅሉ ዜገድስ ተስፋ ዘይምቝራጽ ከምኡውን "ዓብዪ ሕልምታት ሓሊምካ ነዚ ንምግባር ምዕያይ" ምዃኑ ትገልጽ።
ብኣየር ተሳፊራ ናብ Padova ኡኒቨርሲትይ እንዳተጋዓዘት ከላ ብፍላይ ብልዕሊ ሰሃራ ክትሓልፍ ከላ፤ ፉሉይ ስምዒት ተሰሚዕዋ። "እቲ በረራ ኣዝዩ ኣጸጋሚ ስለ ዝነበረ ፈተኽዎ ኽብል ኣይክእልን እየ" ትብል ብተወሳኺ።
ኣብታ ነፋሪት ኣብ ዝነበረ ኤለክትሮኒካዊ መሳርሒ ዚርአ ካርታ ካብ መስኰት ወጻኢ እቲ ምድረ በዳ ኽሳዕ ርሑቕ ተዘርጊሑ ኸሎ ናብ ኤውሮጳ እትገብሮ ቐሊል መገዲ ዜርኢ እዩ ነይሩ። ሉዋም ክንደይ ዚኣኽሉ ኻልኦት ሰባት ብዘይ ሕጋዊ መንገዲ ሓደገኛ ጕዕዞ ክጋዓዙ ኸም እተገደዱ ስለ እትፈልጥ ክሳዕ ክንደይ ዕድለኛ ምዃና ትፈልጥ ነበረት ።
"ነቲ ኣብ ካርታ እንገብሮ ጕዕዞ ኽርእዮ ኸለኹ ኤርትራውያንን ካልኦት ስደተኛታትን ተመሳሳሊ ጕዕዞ ንኺገብሩ ብዙሕ ዓመታት ስለ ዚወስደሎም ስምዒተይ ተተንከፎ" ትብል። "ዓመጽን ጸገማትን የጋጥሞም ብዙሓት ድማ ኣብ መገዲ ይሞቱ። ስለዚ ኣብ ሰማይ ክነፍር ከለኹ እንታይ የሕልፉ ኸም ዘለዉ ዀይኑ እዩ ዚስምዓኒ።"
ልዋም ውፍይቲ ተማሃሪት ጥራይ ዘይኰነትስ ቅብኣ ንምዝንጋዕን ንምሕካምን ዘኽእላ ክኢላ ስነ-ጥበባዊት ኢያ እዚ ድማ ኣጸጋሚ ተዘክሮታትን ተመክሮታትን ንኽትርስዕ ይሕግዛ።ኣብ ኣብያተ-ምግብን ኣባይቲ ኢጣልያን ኤርትራስ ተንጠልጢሉ ዘሎ ስእልታት ትለኽዮ። "ካብ ንእስነተይ ኣትሒዘ ቕብኣ ኽፍሊ ህይወተይ ኰይኑኒ እዩ። ቅብኣ ኽጅምር ከለኹ ኵሉ ነገር ይርሳዕ እዩ" በለት። ኵሉ ሳዕ ቅብኣ ባህ እዩ ዚብለኒ" ትብል ብተወሳኺ።
ልዋም ንኣዲኣ ትምኒታ ኽትስዕብ ፈጺማ ኸይትሕለል ወይ ንመጀመርታ ግዜ ስእሊ ኽትስእል ብምፍታና "ብርታዐን ምትብባዕን" ከም ዝሃበታ ገለጸት። ኣደይ እያ ንዝንባለይ ኣለልያቶ ከይተሰከፍኩ ምትእምማን ከም ዚሓድረኒ ገይራትኒ" ትብል ብተወሳኺ።
ሓደ ኻብቲ ኣብ ኢትዮጵያ ስደተኛ ምዃንን ኣብ ዓዲ ጥልያን ንኸተጽንዕ ብናጻ ምርካብን ዝኸበደ መዳይ ካብ ኣዲኣ ብቐጻሊ ምፍልላይ እዩ ። "ካብ ኤርትረያ ኽወጽእ ምስ ወሰንኩ እቲ ዝኸበደኒ ነገር ንስድራቤተይ ብፍላይ ከኣ ንኣደይ ገዲፈ ምኻድ ኢዩ ነይሩ" በለት። "ክትከይድ ኣጸጋሚ እኳ እንተ ዀነ ክትገብሮ ዘሎካ ነገር እዩ። ካልእ ኣማራጺ ኣይነበረንን" በለት።
ወላካ ብኣካል ተፈላልየን እንተለዋ፤ ብቴሌፎን ከምዝራኸባን ርክበን ዱልዱል ከምዝኾነያ ትገልጽ። ሉዋም "ኣብ ኤርትረ እያ ዘላ ፣ ኵሉ ሳዕ ግና ኣብ ጐድነይ እያ ዘላ " ትብል ።
ENDS
